Δευτέρα, 21 Μαρτίου 2011

Η μάνα εν Θεός



Η ΜΑΝΑΝ ΕΝ ΘΕΟΣ


Λόγια κι θα ευρίουνταν τη μάνα να υμνούνε
όσοι μανάδες μαναχόν την μάνα εγρυκούνε.

Η μάνα εν Θεός η μάνα Παναγία
Άμον τη μάνας την εγάπ κι ευρίεται άλλον μία.

Η μάνα πρωτού να γεννά πονεί για το παιδίν'ατς
και ους να φέραι ση ζωή πολεμά με την ψύν'ατς.

Η μάνα εν Θεός η μάνα Παναγία
Άμον τη μάνας την εγάπ κι ευρίεται άλλον μία.

Τι παιδί το χαμόγελον εν η χαρά τη μάνας
Ρουζ απές σον παράδεισον όντες γομόν τα πάνας.

Η μάνα εν Θεός η μάνα Παναγία
Άμον τη μάνας την εγάπ κι ευρίεται άλλον μία.

Φαϊ σο νουνα'τς ξάϊ κι κρούει νε διξά νε νυστάζει
Αν το παιδίν'ατς κατ παθάν το αίμαν'ατς λιφτάζει.

Η μάνα εν Θεός η μάνα Παναγία
Άμον τη μάνας την εγάπ κι ευρίεται άλλον μία.

Δεν υπάρχουν σχόλια: